cover

   Эрхэм зорилго: Хүн амын эрүүл, аюулгүй орчинд амьдрах, чанартай хүнс, бараа бүтээгдэхүүн хэрэглэх нөхцөлийг бүрдүүлэхэд бие даасан, хараат бус магадлан шинжилгээний дүнгээр баталгаажуулан хангаж, лабораторийн үйл ажиллагааг өндөр түвшинд хүргэх явдал юм.

   Бүтэц, орон тоо: Тус лаборатори нь хими, хор судлал, нян судлал, таримал ургамлын үр, хорио цээрийн лаборатори гэсэн бүтэцтэй, лабораторийн эрхлэгч, 3 шинжээч, 1 лаборантын орон тоотой үйл ажиллагаагаа явуулж байна.

    Хими, хор судлалын лаборатори

Хүнсний химийн чиглэлээр: Бүх төрлийн хүнсний бүтээгдэхүүн, ундны усанд химийн шинжилгээг үндэсний болон олон улсад хүлээн зөвшөөрөгдсөн стандарт арга, аргачлалын дагуу хийдэг. Тус лабораторид 2012 оноос жимс жимсгэнэ, төмс хүнсний ногоонд “Нитрат тестр“ багажийг ашиглан нитрат тодорхойлох шинжилгээг хурдан хугацаанд хийж гүйцэтгэж байна.

Хор судлалын чиглэлээр: Хор судлалын шинжилгээг сүү, сүүн бүтээгдэхүүн, өндөг, хуурай өндөг, жигнэмэг болон малын тэжээлд, сүү, сүүн бүтээгдэхүүн, цай, кофе, какоа, шоколад, шоколадан бүтээгдэхүүнд афлотоксин В1, В2, ургамлын тос, масло, уураг, цөцгийнд афлотоксин G1,G2, сүү, сүүн бүтээгдэхүүн, хүнсний ногоо, үр тариа, гурил будаа, жимс, жимсгэнэд фосфор органик пестицид, хлор органик пестицид гэсэн үзүүлэлтээр тодорхойлж байна.

Ахуйн хими, гоо сайхны чиглэлээр: Гоо сайхан, ахуйн хими, ариутгал халдваргүйтгэлийн бодис, хүүхдийн тоглоомонд химийн шинжилгээг МУ-ын болон олон улсад хүлээн зөвшөөрөгдсөн стандарт арга аргачлалын дагуу хийж гүйцэтгэдэг.

            Нян судлалын лаборатори

Хүнсний өргөн хэрэглээний болон ахуйн хэрэгцээ гоо сайхны бүтээгдэхүүний үйлдвэрлэл тээвэрлэлтийн болон хадгалах явцад бий болсон хүний биед эмгэг төрүүлэгч бактеруудыг илрүүлэх үйл ажиллагааг явуулж байна.

Хүнсний нян судлалын чиглэлээр хүнсний бүтээгдэхүүний 6 төрөл зүйлд 45 үзүүлэлтээр, гадаад орчны нян судлалын чиглэлээр ундны ус, гол мөрөн булаг шанд, хөрс, гоо сайхны бүтээгдэхүүнээс эрүүл зүйн үзүүлэлт бүхий нян болон эмгэг төрөгч нянг илрүүлэх шинжилгээг 1 дээжинд 4-8 үзүүлэлтээр, хөгц мөөгөнцрийн чиглэлээр хүнсний бүтээгдэхүүний хадгалалт, тээвэрлэлтийн явцад бий болсон хөгц мөөгөнцрийг илрүүлэх шинжилгээг тус тус хийж байна.

Эмнэлгийн дотоод халдвар тандалтын чиглэлээр:

Эмнэлгийн байгууллагын өрөө тасалгааны агаар, багаж тоног төхөөрөмж, эд материалд эрүүл зүйн үзүүлэлт бүхий нян болон эмгэгтөрөгчдийг илрүүлэх шинжилгээг уламжлалт аргаболон Rida ckeek, болон Rida count-ын аргаар хийж, агаарын шинжилгээнд MASS 100 багажийг ашиглаж байна.

       Таримал ургамал, үр хорио цээрийн лаборатори

       Монгол Улсын Их Хурлын 2011 оны Төрийн байгуулалтын байнгын хорооны тогтоол, Засгийн газрын 2012 оны 175 дугаар тогтоолоор аймгийн Стандартчилал, хэмжил зүйн хэлтсээс 2012 оны 09 сард шилжин ирж, аймгийн хэмжээний хүн амын төмс хүнсний ногоо, үр тариа, хүнсний буудай, буудайн гурил, хивэг,төмс хүнсний ногоо, хатаасан жимс, жимсгэнэ, малын тэжээл, өвс зэрэг дээжинд чанарын болон хорио цээрийн шинжилгээг итгэмжлэлийн хүрээний дагуу аргын 19 стандарт,12 нэр төрлийн бүтээгдэхүүнд 52 үзүүлэлтээр, 9 нэрийн тоног төхөөрөмж, 4 нэр төрлийн хэмжих хэрэгслийг ашиглан шинжилгээг гүйцэтгэж байна. 2017 онд хортон шавж тодоройлох БИНЮКЛЯР багаж, 2018 онд ургамлын өвчний халдвар тодорхойлох ТЕРМОСТАТ багаж худалдан авч үйл ажиллагаагаа сайжруулсан.

Add comment


Security code
Refresh

ayur sariin ayan

071390
Өнөөдөр
Өчигдөр
Энэ 7 хоногт
Өнгөрсөн 7 хоногт
Энэ сард
Өнгөрсөн сөрд
Бүх өдөр
24
165
189
69837
7375
4284
71390

Your IP: 18.208.211.150
2019-03-25 01:50